كلمات اعنية اه لو تعرف نجاة الصغيرة
اه لو تعرف نجاة الصغيرة
من كلمات حسين السيد و الحان الموسيقار محمد عبدالوهاب
أه لو تعرف
يا حبيب قلبي
و إنت معايا بحس بإيه
خلي شوية لبكرة يا قلبي
الحب دة مقدرش عليه
بص في قلبي
يا عيون قلبي
شوف كام حاجة بتتمناك
فرحة و شوق و أماني كبيرة
و ليالي حب بتستناك
بحبك حب خلاني بخاف
من فرحتي جانبك
يشوفها حد يحسدها و يحسدني
على حبك
و بحبك حب يا ويلي
ياويلي يا ويلي منه
مسهرني محيرني و روحي فيه
و بحبك حب يا ويلي
ياويلي ويلي يا ويلي
مدوبني و حبيته و خدت عليه
أه لو تعرف
يا حبيب قلبي
و إنت معايا بحس بإيه
خلي شوية لبكرة يا قلبي
الحب دة مقدرش عليه
يا أغلى حاجة ليا
و ليا مين غير قلبك إنت
يا أجمل حاجة فيا
و فيا إيه غير حبك إنت
شفايفي لما أجيب سيرتك
بيحلو الكلام فيهم
عينيا كل مابشوفك
بحب أسهر لياليهم
مين يوم ماقابلتك
والدنيا لها طعم جديد
و الجنة اللي بيحكوا عنها
مابقتش بعيد
كل غنوة حب فيها حاجة منك
كل نسمة فجر بتكلمني عنك
كل شيء بيهون عليا مدام بحبك
أه لو تعرف
يا حبيب قلبي
و إنت معايا بحس بإيه
خلي شوية لبكرة يا قلبي
الحب دة مقدرش عليه
نجاة الصغير مغنيه وممثله مصريه من مواليد سنة 1938 م في القاهره ، اختها الفنانه سعاد حسني ووالدها محمد حسني البابا ، عندما بلغت نجاة الصغير سن التاسعة عشر كلف والدها اخيها عز الدين حتى يدربها على حفظ اغاني " ام كلثوم " حتى تقوم بتأديتها في حفلات الفرقة ، وبدأت نجاه بمرحله جديده بمشوارها الفني عندما قدم لها "مأمون الشناوي " اغنية بعنوان " اوصفولي الحب " وكانت من تلحين " محمود الشريف " ، ثم التقت بالموسيقار محمد عبدالوهاب فلحن لها اغنية " كان دا كان ليه " ، كما تعاملت مع الملحنين " حلمي بكر ، سيد مكاوي ، بليغ حمدي ، كمال الطويل ، محمد الموجي وهاني شنودة . وقد احاطت نجاة الصغيره نفسها بافضل فريق من الاصدقاء المثقفين الذين كانت تأخذ بنصحهم في الكثير من المسائل المتعلقة بأغانيها مثل "محمد التابعي "و"مأمون الشناوي "، و" كامل الشناوي " و" فكري أباظة " و "محمود الشريف "وأخيها عز الدين حسني" و" رؤوف ذهني .
مصدر--موضوع
تعليقات
إرسال تعليق